Og vilt´ í faðm "vina" okkar í ESB...

  Og sama tíma og við  nauðbeygjumst undir þetta eru flokkar -þó klofnum tungum sé- að tala um inngöngu í ESB!?

  Hvað eiga þessar þjóðir inni hjá okkur eftir það sem á undan er gengið að við förum til þeirra skríðandi með skott milli lappa að knýja dyra? Er niðurlæging Íslands ekki næg fyrir ? ? Við komum okkur í þetta sjálf og sjálf eigum við komist út úr þessu: Með sem minnstri hjálp fjandvina.. 

  Tal um ESB aðild ásamt svo og mörgu sem hefur verið við haft í orði og verki -eða verkleysu af ráðleysum þessa lands undanfarið jaðrar hreinlega við landráð !!

  Og ég veit að þetta er fólk eins og annað og gerir "sitt besta" undir gríðarlegu álagi, undir kringumstæðum sem enginn vildi að væru uppi en ef það er ekki vandanum vaxið -eins og greinilega er komið í ljós - og ófært um að opna munninn án þess að krónan hrynji, mála okkur enn frekar út í horn, stilla komandi kynslóð upp fyrir framan alþjóðlega og ósýnilega fjárhagslega aftökusveit ásamt foreldrum hennar eða á annan hátt skandalisera.. þarf það að hafa manndóm til að víkja; viðurkenna að þetta sé því ofviða, kalla eftir ráðum sérfræðinga OG fara eftir þeim.. 

   Ég er afaskaplega þreyttur í kvöld eftir að hafa lesið fréttir dagsins.  Ég ætla ekki að (hvernig var máltækið aftur?) "hengja bakara fyrir smið" -né dýralækni fyrir ráðherra eða hverjir það eru sem hafa jólasveinað þessu landi til helvítis (þegar það hefði ekki þurft að fara lengra eni forgarðinn)  en ég bara verð að skrifa eitthað.. 

  ´Horfði á Silfur Egils á netinu áðan: Þetta er orðið gulls ígildi. Hann ætti að passa heilsuna betur. Ísland þarf svona fólk.. Ómar líka: Farðu nú ekki að eldast skyndilega og hverfa:  dokaðu við!   

  Það er vont að horfa á heimalandið breytast í e-k efnahaslega Atlantis  svona úr fjarlægð sem námsmaður í Frakklandi (landi sem er vinveittara og jákvæðara í garð Íslands en margt annað Evrópuland á þessari stundu): vita ekki hvort maður getur borgað leiguna út önnina eða borðað annað en Knorr pakkapasta með bragði sem maður er löngu búinn að fá ógeð; án þessa að vita hvort maður verður að vinna ærlega vinnu í jólafríinu eða selja eldspýtur í snjóskafli ... 

Flott að getað kannski fengið aukalán í lok annarinnar vegna ástandsins: Fyrir margan er hætt við að sú "aðstoð" komi einfaldlega of seint...  meir um það síðar

 

Gátum ekkert annað gert

Athugasemdir

[Ásgeir (IP-tala skráð) 17.11.2008 kl. 09:28]

Sammála þessu Pétur. Það mun ekki hljótast mikil sæmd af þessari inngöngu í sambandið. Held að íslendingar átti sig ekki heldur á því hvað inngangan þýðir raunverulega. Búandi í EU landi þá finnur maður sterkt fyrir því hvað svíarnir eru eilíft með "Evrópupirringinn" í maganum. Líður ekki sá dagur að það sé ekki verið að mjálma um lög og reglur í sambandinu sem henta sænska ríkinu illa osfrv. Háværar raddir hér um það hvað allt hafi verið betra fyrir inngöngu. En nú eru menn búnir að gera svo illa á sig að þetta virðist vera neyðarúrræði sem verður að grípa til hvort sem mönnum líkar betur eða ver. Það held ég að forfeðurnir snúi sér grimmt í gröfum þegar þetta verður að raunveruleika. Breytingin verður gríðarleg..og mikill barnaskapur að ýmynda sér það að allt verði betra þegar við verðum innlimuð..300.000 hræður inní 500milj manna samfélag.uss..þá fyrst verðum við ósýnileg maður! Þegar stóru ríkin tala þá þegja smáríkin... og þannig verður þetta.