Opið kveðjubréf til ístrunnar..

Kæra Ístra,

 

Okkar samband hefur verið með ýmsu móti gegnum árin og á köflum stormasamt.Já það má segja að við höfum eldað grátt silfur -og ýmsa aðra óhollustu gegnum tíðina...

Ég man ekki hvenær þú knúðir fyrst dyra hjá mér en finnst að þú hafir alltaf verið til staðar eða rétt handan við hornið -a.m.k í mínum eigin huga- þó svo  að myndir frá Menntaskólaárunum, og ýmsum uppákomum allt að árinu 2004 bendi til þess að sú tilfinning hafi ekki alltaf verið á rökum reist!

 Það hafa komið tímabil þar sem þrengt hefur að þér og varstu allt að því
horfin árið 2011 er ég æfði jöfnum höndum SooBahkDo og TaeKwonDo allt að 6 sinnum í viku í undirbúningi fyrir svarta beltið mitt í hinu síðarnefnda. En þú komst alltaf aftur og er þar sjálfsagt um að kenna ákveðinni meðvirkni af minni hálfu, þar sem ég er bæði forfallinn sælkeri sem leitar gjarnan í skyndibita, og tekst auðveldlega að telja mér trú um að ég "hafi ekki tima til að elda", þegar staðreyndin er bara sú að ég hef almennt ekki gaman að því, sérstaklega þegar maður er einn. 

..Ennfremur hef ég tilhneigingu til að verðlauna mig með mat eða góðgæti þegar mér finnst vel ganga og refsa/hugga mig með sætmeti þegar illa gengur. Svona soldið "tap/tap" dæmi þegar ég spái í það..og vítahringur.

Og þú hefur sannarlega átt þín blómaskeið, eins og 2010, ég meina hvert þó í hoppandi??!? Þessar jóla(sveina)myndir (sjá dæmi t.h) sem ég var að finna eru alveg ótrúlegar!!

Og ofan í það ljóslitað  sítt hár. Kræst!! Hvað var ég að pæla'

Hvað var ég að steikja þetta ár?!?  [Örugglega beikon.;-p]

Og þú blómstraðir..þangað til 2011 sem fyrr sagði..

Og nú þegar ég hef um nokkurt skeið ekki getað æft nema mjög óreglulega - auk þess sem ég sleit krossband á dögunum- hefur þér á ný vaxið fita um hrygg -ef svo má að orði komast..

Og já okey, ég varð fertugur á dögunum og kannski er enginn að setja út á þig nema ég sjálfur? 

Og  ónefnd -en mjög hreinskilin- frænka, sem alltaf finnur björtu hliðarnar á hlutunum sagði: "Þú veist, Pétur, að flestar konur vilja hafa eitthvað að klípa í ..": "Öh, [Takk en] Nei, elsku frænka, ég bara veit bara ekkert um það!! (né hvaðan þu hefur þessar upplýsingar?!?)..(Auk þess sem athygli mín og hugur beinist ekki að "flestum konum"; tja, eiginlega bara einni..

Og því er það nú sem ég er að reyna að segja þér á eins vinsamlegum nótum og ég get að hér verða leiðir okkar að skilja.

Það er leitt að þurfa a segja þetta þegar þú ert orðin svona góðu vön, en staðreyndin er sú að þú tekur einfaldlega of mikið pláss og viðvera þín er með öllu ósamræmanleg starfi mínu þessa dagana sem og heilsufarslegum, ímyndarlegum og-kannski umfram allt-félagslegum vonum, væntingum og markmiðum!

Og ég veit að ég get ekki bara hent þér út á einum degi, en kæra Ístra, svo þetta sé alveg á kristaltæru: Á þessu almannaksári -2016- vil ég að þú pakkir saman og verðir farin ekki síðar en á afmælisdaginn minn 10. nóvember n.k. Og komir ekki aftur!!

Vertu svo að endingu sæl, 

Pétur Arnar Kristinsson

 

Þetta er epískt klúður! Svo mikið að það ætti að fara á safn!

Var þetta svo allt tekið niður?

Hvað varð um þessa hluti?

Það er nú alveg lágmark að þetta nýtist einhvers staðar fyrst verið var að þessu þó ekki væri nema á minjasafni um skipulagsslys, sem ég legg hér með til að verði stofnað..það mætti hreinlega taka heilt hverfi undir það.. ;-) 

Breytingar á Hofsvallagötu dýrar

Leitið til SYSTRA Group um tilboð! Get haft milligöngu!

Þetta er kannski ekki formlegi vettvagnurinn, en það vill svo til að ég þekki mikinn Íslandsvin sem er einnig verkefnastjóri og arkitekt hjá leiðandi fyritæki a heimsvísu í samgönguverkfræði og stórum verkefnum sem þessum, SYSTRA, sjá  http:www.systra.com/en/

Þeir eru nú að ráðast í byggingu lestarkerfis hringinn kringum Kaupmannahöfn.

Ég veit að þeir hefðu áhuga á þessu og hvet hagsmunaaðila eindregið til að leita eftir tilboði frá þeim og er ég tilbúinn að hafa milligöngu um það. Vinsamlegast sendið mér línu ef áhugi er fyrir því á eftirfarandi tölvupóstfang:  [e-mail]  

Mér málið einnig skilt þar sem ég hef sjálfur verið að vinna að heildartilllögu um Flugvöllinn og Vatnsmýrina sem lokaverkefni í arkitektúr: 

http://design-x-inspiration.com/vatnsmyri_tillaga.html

 

Viðræður um flugvallarlest í gang

Málsvörn og örorkubætur

ja, hérna!! 

Ætli vörnin felist ekki í því að með þennan blessaða vindhana innanborðs hafi það ekki getað staðist reglugerðir um losun gróðurhúsalofttegunda? ?

Hann ætti frekar að fara fram á e-k örkubætur    út á skert vinnuhæfi..?

-greyið..

Prumpaði of mikið og missti vinnuna

Setjum þetta í samhengi við farþegaflugvélar

Þetta vandamál er kannski best útskýrt með því að færa það yfir á flugvélar:

Ef reglugerðir mæltu fyrir um að sérhvert sæti um borð í farþegavélum þyrfti að rúma manneskju af hvaða umfangi sem er á þægilegan máta, hefði það hliðstæð áhrf á rýmisnýtingu- og þar með miðaverð per einstakling.

Þannig að: Já, reglugerðir -s.s reglur um aðgengi fatlaðra í öllum nýjum ibúðum- sem hafa verið að laumast inn í kerfið hafa tvenns konar fyrirsjánleg áhrif á fasteigir:

1) hækkað verðið

2) minnkað gæði íbúða þegar verið er að koma til móts við reglurnar en samt stemma stigu við hækkunum: Gott dæmi er 1.5m þvermáls svigrúm á baðherbergjum og í eldhúsum til að fólk í hjólastólum geti nú örugglega snúið sér á punktinum án þessa að finnast það vera að reka sig í einhvers staðar.Afleiðingin er að ef þessu skal framfylgt án þess fasteignaverðið hækki, þarf að skerða annað rými sem þessu nemur. Og þegar það er ekki gert gerist 1.

Vissulega er þetta gott fyrir það fólk en fatlað er og NAUÐSYNLEGT í einhverjum mæli .En hjólastólabundnir einstaklingar eru sem betur fer tiltölulega lágt hlutfall af íbúum. Hvað myndi nú gerast ef allar byggðar íbúðir þyrftu nú að taka tillit ofurfeitra einstaklinga sem ekki geta smokrað sér í gegnum 80-90 cm hurðir? Afleiðingarnar yrðu skelfilegar..Sem dæmi. Og hvar myndi það enda. 

Það er því spurning hvort að kröfur minnihlutahópa eiga að getað skert lífsgæði heildarinnar. Spurning um að tilteknar reglugerðir gildi um tiltekið hlutfall íbúða á gefnu svæði? 

[ATS: Slíkar spurningar kunna líka að vakna vegna krafa á borð við "halal" slátrað og ekkert svínakjöt  í skólum osfrv  En höldum okkur við spurningu dagsins.]

Og að sjálfsögðu, hvort ræða megi slíka hluti af yfirvegun án þess að fólk fari að vera með upphrópanir um "fordóma.." [eða álíka vitleysu..] í garð okkar sem kunnum að ljá á þessu máls. 

„Lúxuskröfur hækka húsnæðisverð“

Fossvogurinn var aldrei kannaður með þetta í huga

Þetta er gamalt en ég nota bara hvert tækifæri til að benda á að horft hefur verið framhjá Fossvoginum með rökum sem standast ekki og ég hef sýnt fram á það í tveimur stúdíum: Hér er sú síðari: Ennfremur hendi ég inn viðtali við mig um þetta hér neðst.

g hér er sú fyrri, þar sem fyrirhugaður byggingamassi er einfaaldlega færður yfir i Fossvoginn eins hann kemur af kúnni og aðlagaður. Báðar stúdíurnar sýna að pláss sé fyrir NLSH á þessum reit sem stækkun á fyrrum Borgarspítala.:

 

 

Vísir: Vill hátæknisjúkrahús í Fossvoginum

Nýr spítali verði við Hringbraut

Hér er Bríet um Harríeti frá Bríeti til Karrýréttar..Hvað var málið?

Samkvæmt The Guardian steytti Harríetarnafnið á blindskeri íslenskrar fallbeygingar. Ha??

Ég sé ekki betur en við eigum rótgróið nafn sem beygist vandræðalaust: Bríet

-Og að Harríeti megi beygja á sama hátt [sjá yfirskrift þessarar greinar]

Nú það má krydda það aðeins með kommu yfir í-ið ef menn vilja.

 Bull er þetta!

Harriet fær loks vegabréf

Af hverju gerir enginn neitt í þessu??

Til hvers eru Sameinuðu þjóðirnar eiginlega? 

Eða UNESCO?

Hefði þarna þurft að vera meiri olía?

Eru 2000 ára minjar alls mannkyns, ofsóknir, nauðganir og skipulögð fjöldamorð á kristnum á þessum svæðum ásamt greinilegum ásetningi að breiða þetta út yfir heimsbyggðina ekki nóg? Hvað þarf til að Vesturlöönd bregðist við? Er þetta eitthvers konar samviskubit fyrir að hafa svo til búið þetta vandamál til með íhlutun á þessum svæðum? Er þetta Stokkhólmsheilkennið? Hvað þarf eiginlega til? Líkt og krabbamein vex og sáir sér ef ekkert er gert mun þetta bara versna.

Hvað á að bíða og láta þetta grassera lengi áður en þessum tövluleikjahernaði (loftáráum) verður hætt, alþjóðlegar -því þetta eru allra hagsmurnir- hreinsunardeildir settar saman og gengið til verks móti þessu. 

Sýnir bara best hræsni Vestursins þegar farið er af stað "í nafni lýðræðis", "freslsis" eða réttlætis. Það er ekkert slíkt til!

Aðeins peningar sem ráða. Og kannski á heimurinn þá ekkert betra skilið en ISIS. Verði oss að góðu..

En ISIS = crISIS

 

Eyðilegging hofsins stríðsglæpur

Póker um 21-25 milljarða

". Gunn­ar Bragi Sveins­son ut­an­rík­is­ráðherra seg­ir að ut­an­rík­is­ráðuneytið sé að reyna að afla frek­ari upp­lýs­inga um það hversu mik­il al­vara sé í þessu hjá Rúss­um."

Þetta er sem sagt póker fyrir þeim og þeir eru að athuga hvort mótspilarinn er að "blöffa"..nú svo kannski eru einhverjir í Rússlandi í að athuga umfjöllun íslenskra fjölmiðla til að sjá hvernig sé fjallað um málið;  þessi grein kemur upp um pókerspilið sem ég myndi halda að yki líkurnar á að Íslendingar -ásamt hinum þjóðunum- verði látinir gjalda þess..

 

Medvedev skoðar bann

Þeim hæfustu verður lógað

Þessi skópur sýndi framtaksemi og frumkvæði og er því einmit- sá sem hefði átt að fá  að lifa..en nei ekki samkvæt dýrahirðinum..honum skyldi rfsað fyrir að láta hann líta illa út í fjölmiðlum. 

Selkópnum lógað