Heldur lágfleygur fréttaflutningur..

Á þetta sem sagt að vera frétt?! Og að manneskjan skuli hafa "misst kúið" er sjálfsagt tilraun fréttamanns til að vera "inn"?! 

Ég lenti sjálfur í að missa af flugvél fyrir nokkrum árum vegna verkfalls í neðanjarðarlestum Parísar; mætti rúmlega klukkutíma fyrir brottför og innritunarstaffið [svona til fréttaritarinn skilji þetta] á bak og burt; mér var sagt að ekkert væri hægt að gera: Ég get sagt ykkur og skammast min ekkert fyrir að mér var allt annað en skemmt, svona námsmaður á heimferð rétt fyrir jól með því sem mér hafði skilist að væri síðasta vélin!*  -"Missti kúlið"

-En það var enginn með myndavél   

* Ég náði svo vél um kvöldið gegnum Kaupmannahöfn með viðbótarkostnaði sem ég gat alveg verið án:

 

Missti af vélinni og „kúlið“ um leið

Athugasemdir

[Fannar (IP-tala skráð) 16.2.2009 kl. 20:29]

ég er sammála... þetta hefði frekar átt að vera inn á b2.is... en maður spyr sig eru þeir hjá mbl.is farnir að setja youtube myndbönd inn sem fréttir ef þeir finna eitthvað fyndið.... eða er þetta "frétt" af öðrum fréttamiðli (ég sá að foxnews er líka með þessa "frétt") sem þeir hafa bara tekið og þýtt yfir á íslensku og eru þá alveg hættir að spá í því hvað eru fréttir og hvað ekki... ég sé fyrir mér vösku fréttamennina á mbl sem sitja inni allan daginn og vafra um aðra frétta miðla og þýða.. hvort sem fréttin sé hlutdræg jafnvel bara uppspuni eða eins og í þessu tilviki..... Ekki einu sinni frétt.

[Magnús (IP-tala skráð) 17.2.2009 kl. 08:33]

Innilega sammála ykkur, Pétur og Fannar. Lágkúruleg frétt þar sem hæðst er að örvæntingu konu sem missir af flugvél, að því er virðist vegna klaufaskaps starfsmanns flugvallarins og – ef marka má athugasemdir á Youtube – mun því ekki ná tímanlega á áfangastað að borga tryggingargjald fyrir son sinn sem lendir því í fangelsi.

Takið líka eftir því hvað fyrirsagnir á mbl.is eru oft ekki í samhljómi við fréttina. Ég er nokkuð viss um að netdeildin setji oft fyrirsagnir á fréttirnar en ekki blaðamennirnir.

[Magnús (IP-tala skráð) 17.2.2009 kl. 08:40]

Mér sýnist algjör nýgræðingur hafa unnið fréttina:

1. Konan, í örvæntingu sinni, "veinar úr sér lungun". Lágkúrulegt.

2. Hún leggst "á jörðina". Gólfið!

3. Flugfélagið ... var hins vegar búið að loka vélarhurðinni. Flugfélagið? Hurðinni?

4. "ekki vera svona miklu uppnámi"

[Ellert Júlíusson, 17.2.2009 kl. 09:27]

Allt í lagi, ég skal ganga fram fyrir skjöldu. Dóttir mín skrifaði þessa frétt...hún er fimm.

[Joseph (IP-tala skráð) 17.2.2009 kl. 10:13]

En þrátt fyrir að ykkur finnist þetta "lágkúrulegt" .. þá er þetta mest lesna fréttin á mbl.is.

Persónulega finnst mér gaman að fá stöku sinnum fréttir sem tengjast kreppunni ekki neitt og maður getur aðeins hlegið.

Milljónir manna hafa misst af mikilvægum flugum... þessi kona er bara með frekju á háu stigi, einfalt.

[Birna Jensdóttir, 17.2.2009 kl. 17:57]

Það er ekki einu sinni hægt að flokka þetta undir frekju,hef aldrei séð eða heyrt krakka sem hefur fengið stórt NEI í nammi búð eða dótabúð láta svona.Þetta héldi ég að væri miklu alvarlegra svona eins og ég gæti trúað að ég fengi ef ég missti af flugi.