Nýtum þetta frekar til að borga Hollendingum..

Já, já , Kannabis er ólöglegt hér á landi..

  En nú er fólk bara að reyna að bjarga sér og ekki rétti tíminn til að stunda sóun verðmæta. Lögleiðum frekar framleiðslu slíkra jurta og afurða þeirra til útflutnings -má setja upp sem undantekningu frá lögum vegna neyðarástands (neyðarlög), Ríkið getur verið með einkarétt -sbr. ÁTVR- , en þetta gæti kallast Kannabisrækt Ríkisins (sem ljær stofnuninni ákveðinn trúverðugleika).  

Svo er að ráða þetta "framtaksama" fólk - sem væntanlega býr yfir viðhlýtandi þekkingu- í vinnu, en slíkt gæti forðað viðkomandi frá að leiðast út í hættulegri glæpi og valda auknu álagi á réttarkerfinu með tilheyrandi útgjöldum fyrir samfélagið

Borgum svo Hollendingum í afurðunum. 

Ég meina; Allt á nú að drepa niður!

Lagt hald á 440 kannabisplöntur

Athugasemdir

[Skorrdal (IP-tala skráð) 4.9.2009 kl. 09:12]

Það væri margt vitlausara.

[Davíð Örn Þórisson (IP-tala skráð) 4.9.2009 kl. 10:55]

Ertu fullkomlega búinn að kynna þér afleiðingar kannabisreykinga? Annars finnst mér full fljótlegt af þér að halda því fram að kannabis hafi lítið annað en gróða í eftirdragi.

[Pétur Arnar Kristinsson, 4.9.2009 kl. 11:16]

...Nei, Davíð Örn ég hef ekki kynnt mér afleiðingarnar til hlýtar. En það er rétt, að ég hef séð ágætlega greint fólk úti Frakklandi  þar sem þetta er alægengara ganga um með þokukennt aungaráð og glott sem betur færi þroskaheftum einstaklingum vegna slíkrar neyslu. En svo lengi sem það skaðar ekki samborgarana; má fólk ekki steikja í sér heilann ef það vill??

Er það hlutverk samfélagsins að vernda fólk fyrir sjálfu sér??

Eða hefur þú kynnt þér afleiðingar tóbaksreykinga?? Ekki eru þær bannaðar.

Tóbaksreykingar menga (eyðileggja m.a. málverk á veggjum), spilla heilsu þeirra sem umgangast viðkomandi ,´Æ, já meðan ég man: Þær drepa.. ?

[Skorrdal (IP-tala skráð) 4.9.2009 kl. 11:33]

Skaðinn af banninu er meiri en afleiðingar neyslunnar. Þess vegna eru fjöldi ríkja að hugleiða að breyta þessari stefnu, sem hefur gersamlega misheppnast og skapað mun verri vandamál, sbr. Mexíkó. En stefnan var dæmd til að mistakast; þeir reyndu áfengisbann á fyrrihluta síðustu aldar - og það misheppnaðist gersamlega.

[Rúnar (IP-tala skráð) 4.9.2009 kl. 12:52]

Aukaverkanir lyfja sem læknar ávísa fólki valda fjölda dauðsfalla á hverjum degi. Kannabis hefur engan drepið. Það er vegna þess að Kannabis er ekki eitrað.

Hverjar svosem afleiðingarnar eru af mikilli kannabisnotkun þá eru þær ekki plöntunni að kenna sem slíkri, heldur manneskjunni sem misnotar hana.

Misnotkun og græðgi hafa slæm áhrif. Enn og aftur er það mannskepnan sem veldur.

[Rúnar (IP-tala skráð) 4.9.2009 kl. 12:57]

Afhverju hafa öll hryggdýr THC móttakara, sem gegnir engum tilgangi öðrum en þeim að meðtaka THC, sem aðeins finnst í Kannabis?

Rúm 3000 deyja mánaðarlega í Bandaríkjunum af völdum lyfseðilsskyldra lyfja.

[Davíð (IP-tala skráð) 4.9.2009 kl. 14:06]

Þetta er góð  hugmynd, frábær hugmynd. En gangi okkur vel að reyna að sannfæra trúðana á alþingi.

[Páll Geir Bjarnason, 4.9.2009 kl. 17:30]

Ein spurning. Segjum sem svo að við höfum fleiri tonn af kannabis til útflutnings. Spurningin er; hvar eru viðskiptavinirnir? Hverjir myndu flytja inn þessa útflutningsafurð okkar?

[Rúnar (IP-tala skráð) 4.9.2009 kl. 20:01]

Hvaða máli skiptir þótt ríkið lögleiði? Er hægt að bera virðingu fyrir ríkinu? Þeir mega eiga sig fyrir mér.

[Rúnar (IP-tala skráð) 4.9.2009 kl. 20:02]

[Skorrdal (IP-tala skráð) 5.9.2009 kl. 01:42]

Páll: Eftirspurn eftir hampi hefur aukist, og nú þegar eru amk. tveir bændur á landinu sem rækta kannabis til hampgerðar. Það eru margir möguleikar til útfluttnings; grasið sjálft væri hinsvegar ætlað innanlandsmarkaði, þar sem enn er bannað að flytja það á milli landa skv. alþjóðasamningum. En það mun breytast.

[Páll Geir Bjarnason, 6.9.2009 kl. 12:32]

Það er ekki hugmyndin sem hér er rædd. Íslensk iðnaðarhamprækt borgar seint icesave skuldirnar.

[Pétur Arnar Kristinsson, 6.9.2009 kl. 14:31]

Ja, Páll Geir, ég var nú svo sem ekki farinn að gera neina viðskiptaáætlun um þetta , og máski væri arður af slíkri starfsemi dropi í Icesave-hafið, en það sem sló mig helst við þessa frétt er það að hér er verið að farga nýtanlegum veðmætum. Það er einnig margt annað sem lögreglan gæti verið að eyða meiri kröftum í..  Gamlalt máltæki kemur upp í hugann:   Allt er hey í harðindum!