Kreppumatseld; naglasúpur og fleira girnilegt!

   Ég hef nú aldrei verið þekktur fyrir eldhúsfimi enda flest herbergi mér kærari..

   En mér datt í hug að gera smáþætti (videó)  um ódýra eldhúsgjörninga sem ekki síst henta íslenskum námsmönnum erlendis í neyð (eins og mér).. 

   Þannig byrjaði ég á minni túlkun á hinni sígildu naglasúpu (með ýmsu torkennilegu innihaldi s.s vænum skammti af gríni (hráefni sem verður æ verðmætara -og máski erfiðara að útvega- á krepputímum  )) og fylgdi henni eftir með einhverju hefðbundnara í 2. þætti.

   Mig langar að deila þessu með ykkur og hér eru slóðirnar á þetta á YouTube(Báðir þættirnir eru í tveimur hlutum):

http://www.youtube.com/watch?v=fTwSt63ZXgk

Alla myndbútana getið þið nálgast á

http://www.youtube.com/user/peturk

Verði ykkur að góðu!

 Pétur

 

  

 

Er hennar tími að koma ??

Það kalla ég  hana þá hafa verið glöggskyggna er hún lét hin fleygu orð falla á sínum tíma;  tíma sem ekki var hennar..

Jóhanna næsti forsætisráðherra?

Já, fótbolti er hættuleg íþrótt..

...en auðvitað hefur það ekkert með þetta slys að gera. En fótbolti er hópíþrótt og þar sem hópar ferðast saman eykst hætta á hópslysi ef slys ber að höndum..

[Æ, en ævintýralega  innantóm færsla hjá mér; dettur manni ekkert betra í hug að blogga um? Jú, Eurovision: Horfði á íslensku söngvaforkeppnina á laugardagin :  Kántrý??? Hmmm Ekki veit maður hvort þetta kemst alla leið (inn í aðalkeppnina) en lagið sem slíkt kom mér nokkuð skemmtilega á óvart  -og það hvarflaði að mér að senda tengil á það einhvert til Nashville með þeim orðum að þetta lag hefði óvart fæðst á Íslandi - og ég segi bara ;"Af hverju ekki?"] 

Heilt knattspyrnulið lést í bílslysi

Minnir mig á draum sem mig dreymdi fyrir nokkrum árum..

Þetta eru nú góðar fréttir og að deCODE skuli vera í lykilhlutverki kemur mér ekkert á óvart.

 Það rifjast upp fyrir mér draumur-eða öllu heldur martröð- sem mig dreymdi fyrir nokkrum árum: Það kom til mín í draumnum manneskja sem fariðhafði úr krabbameini nokkru áður; einnig var þarna læknir  sem ég gerði ráð fyrir að væri látinn einnig: Þau virtust hafa áhyggjur af framtíðinni og halda að krabbamein ætti í eftir að þróast yfir í smisjúkdóm; að erfðaefni krabbameinsfrumu ætti eftir að stökkbreytast, hugsa sér til hreyfings og verða að vírus. 

  Ekki mjög skemmtilegur draumur það - og nú veit ég ekkert um fræðilega möguleika á að slíkt gerist - en mér fannst þetta mjög raunverulegt þegar ég vaknaði.

En þanning eru "góðar" martraðir líka yfirleitt..

-og  spádraumar.

Mikilvægur áfangi á sviði krabbameinsrannsókna

"Sjáðu,mamma!!: Bí,bí! " .....

   Í myndskeiðinu er sagt að hópur af "kanadískum gæsum" hafi verið orsök slyssins..   "Já þær eru skæðar þessar kanadísku??" Er það nú nauðsynegt að tilgreina þjóðerni fuglagreyjanna eins og þetta hafi verið eitthvað hryðjuverk eða fuglarnir útsendarar þjóðar sinnar? [Hmmm annars veit maður aldrei hvað drápstólasmiðum dettur í hug næst ..og þá af hevrju ekki fjarstýrðar -eða sérþjálfaðar- gæsir..?

kannski kanadískar gæsir ??]

  Eitthvað myndi manni sárna þarna hefði  á ferð verið hópur t.d. landflótta íslenskra lunda..   Myndi fyllast sektakennd  fyrir hönd þjóðarinnar. .. ?

  Kannski dettur mér þessi vitleysa í hug af því að ég er með þrjátíuogátta-komma-eitthvað stiga hita - en þegar ég heyrði um gæsirnar sá ég í andrá fyrir mér smábarn sem fengið hefði að sitja við gluggann í flugvélinni:

[Rekur skyndilega upp stór augu og óp og bendir út]

"Sjáðu, mammma!!:  Bí,bí!! "  

[þolinmótt móðurlegt bros]                                                                                                              "Já, já elsk.." -KABÚMM!!!
 

Gott að vel fór; ´hefði EKKI viljað vera í þessari vél. en svona lagað pantar jú enginn. Vona að gæsir og aðrir flugslysavaldar hafi sig ekki í frammi þegar ég flýg næst. Og óska ykkur hins sama.

Talið að allir hafi komist lífs af

Á Hurðaskellir ekki að vera farinn heim til sín??

Nei ég spyr nú baras svona....

  En hvað veit maður hvað býr að baki (hurðarbaki) ? Kannski hann hafi bara fengið innilikonur/útilokunarkast og/eða orðið að komast handan hurðanna, máski á salerni svo sem hent getur skyndilega þegar öl er haft um hurð ...-ég meina hönd..

  Nú kannski sér maðurinn bara svona illa og bara talið sig vera að dansa eða eitthvað og óvart lent á hurð ..tvisvar?  Bara leiður misskilningur.. ?

Hvað veit maður: Það eru nú annars verri glæpir í gangi í þjóðfélaginu þessa dagana og kannski til þær "hurðir" sem mætti upp ljúka með svona hressilegum hætti...

  Það er annars meira en tíu stiga hitamunur á París og Reykjavík þessa dagana.. Reykjavík í vil!  Ég var að koma hingað út á mánudaginn; vaknaði rétt fyrir lendingu og hélt fyrst að eitthvað væri að og vélinni hefði verið snúið til Oslóar eða eitthvað vegna bilunar:  Snjór út um allt.. Alvöru snjór.. í París. Er allt að verða vitlaust??

Sparkaði upp tveimur hurðum

"Fyrst hélt ég að verið væri að pína kött.."

    Þetta minnir mig á það þegar ég datt inn á ónefndan kaffibar um árið... : Ég var að því kominn að panta mér einhverja vætu þegar óhljóðin byrjuðu :

   Fyrst hélt ég að verið væri að pína kött -og var kominn með hönd á gemsann minn til að hringja í einhver dýraverndurnarsamtök- en áttaði mig svo á því að hávaðinn kom frá mannveru -sem var ekkert verið að pína en virtist þvert ámóti skemmta sér hið besta.  Aðrir gestir staðaris hafa annað hvort verið heyrnarlitlitlir - eða of ölvaðir til að þetta hefði áhrif á þá...  Ég hrökklaðist hins vegar öfugur út   (( -enda ekki með hníf ? ;-); ))

(Skyldi nokkuð vera hægt að bera við sjálfsvörn ef maður þaggar niður í svona hljómrænum árasarmanni?) 

  Nei, nei, auðvitað mér dytti það ekki í hug!!   En þessi frétt rennir stoðium undir þann gamla grun minn að í Asíu sé Kareoke dauðans alvara!

Karaókí-söngvari myrtur í Malasíu

Vúdú Davíð ??

  Miðað við hvernig hugur einhvers hluta íslensku þjóðarinnar virðist  standa til íslenskra ráðamanna, mætti kannski prófa svona vúdúdúkkur á Íslandi?

-Gætislegiðígegn.. 

  Annars eru svona fréttir bara fyndar. Ég held samt að enginn vilji láta stinga sig eða særa með þessum hætti, þó táknrænn sé.

  Að maður tali nú ekki um þá sem trúa á þetta....

Vúúúúuuu..... 

Bannað að stinga Vúdú-Sarkozy

RÍKISSTJÓRN ÍSLANDS: ÞÚ ERT REKIN!!

  Já þetta fannst mér fólk vera að segja á þessum magnaða og sögulega fundi:

"Við, fólkið í landinu*, sem fólum ykkur (ráðherrum) umboð til að fara með ráð þessa lands-með ráð okkar- tökum umboð þetta til baka: Ríkisstjórn Íslands: Þú ert rekin! " 

  -Og nú ætti þetta fólk að fara að vinna sinn uppsagarfrest eða þetta 3 mánuði og skal þá ganga til kosninga ef ekki fyrr , því það er jú betra að leita að nýjum starfskrafti tímanlega!

 Nokkuð góð einng hugmyndin um að fá fulltrúa almennings inn í nefnir til að fylgjsat með gangi mála: Ekki svo galið: Má ég leyfa mér að ganga skrefinu lengra og stinga upp á því framleiddir verði raunveruleikaþættir þar sem fylgst yrði með ráðherrum og nefndum öllum stundum í gegnum þessa kreppu: Myndavélar alls staðar og sent út beint !! ´Gæti slegið í gegn!

  Það myndi reyndar kannski spilla "vinnufriðnum" a.m.k. fyrir sumum því víst er að það fylgir því álag að hafa vinnuveitanda sinn yfir sér öllum stundum að fylgjast með.

   * Athyglisverð orð Ingibjargar Sólrúnar um að fólkið í salnum gæti ekki talað fyrir þjóðina (!!??): Ég held einmitt að sá hópur sem þarna lét sjá sig og -sjá! kraftaverk gerast!- heyra í sér sé nokkuð lýsandi úrtak af þjóðinni og þeim skoðunum og spurningum sem  krauma í samfélaginu um þessar mundir hjá þeim ekki-séra-Jóni og Gunnu .. Og þarna voru sannarlega nokkrar raddir skynseminnar mættar að kveða sér hljóðs.

Meira af svo góðu!

„Þetta er þjóðin“

Og vilt´ í faðm "vina" okkar í ESB...

  Og sama tíma og við  nauðbeygjumst undir þetta eru flokkar -þó klofnum tungum sé- að tala um inngöngu í ESB!?

  Hvað eiga þessar þjóðir inni hjá okkur eftir það sem á undan er gengið að við förum til þeirra skríðandi með skott milli lappa að knýja dyra? Er niðurlæging Íslands ekki næg fyrir ? ? Við komum okkur í þetta sjálf og sjálf eigum við komist út úr þessu: Með sem minnstri hjálp fjandvina.. 

  Tal um ESB aðild ásamt svo og mörgu sem hefur verið við haft í orði og verki -eða verkleysu af ráðleysum þessa lands undanfarið jaðrar hreinlega við landráð !!

  Og ég veit að þetta er fólk eins og annað og gerir "sitt besta" undir gríðarlegu álagi, undir kringumstæðum sem enginn vildi að væru uppi en ef það er ekki vandanum vaxið -eins og greinilega er komið í ljós - og ófært um að opna munninn án þess að krónan hrynji, mála okkur enn frekar út í horn, stilla komandi kynslóð upp fyrir framan alþjóðlega og ósýnilega fjárhagslega aftökusveit ásamt foreldrum hennar eða á annan hátt skandalisera.. þarf það að hafa manndóm til að víkja; viðurkenna að þetta sé því ofviða, kalla eftir ráðum sérfræðinga OG fara eftir þeim.. 

   Ég er afaskaplega þreyttur í kvöld eftir að hafa lesið fréttir dagsins.  Ég ætla ekki að (hvernig var máltækið aftur?) "hengja bakara fyrir smið" -né dýralækni fyrir ráðherra eða hverjir það eru sem hafa jólasveinað þessu landi til helvítis (þegar það hefði ekki þurft að fara lengra eni forgarðinn)  en ég bara verð að skrifa eitthað.. 

  ´Horfði á Silfur Egils á netinu áðan: Þetta er orðið gulls ígildi. Hann ætti að passa heilsuna betur. Ísland þarf svona fólk.. Ómar líka: Farðu nú ekki að eldast skyndilega og hverfa:  dokaðu við!   

  Það er vont að horfa á heimalandið breytast í e-k efnahaslega Atlantis  svona úr fjarlægð sem námsmaður í Frakklandi (landi sem er vinveittara og jákvæðara í garð Íslands en margt annað Evrópuland á þessari stundu): vita ekki hvort maður getur borgað leiguna út önnina eða borðað annað en Knorr pakkapasta með bragði sem maður er löngu búinn að fá ógeð; án þessa að vita hvort maður verður að vinna ærlega vinnu í jólafríinu eða selja eldspýtur í snjóskafli ... 

Flott að getað kannski fengið aukalán í lok annarinnar vegna ástandsins: Fyrir margan er hætt við að sú "aðstoð" komi einfaldlega of seint...  meir um það síðar

 

Gátum ekkert annað gert